النتيجه طلعت

كشوفات كتير متعلقه..اسامي كتير كتييييييييييييييييييييير..وعنيا عماله تدورعلي اسم مألوف ليا ...اسمي طبعا...ناجح مقبول جيد حيد جدا امتياز ...هه امال اسمي فين...يا دكتوره اسمك في الكشوفات اللي بتتعلق تحت...نزلت جري كان الود ودي اخدها زحلقه علي ترابزين السلم بس قلت يالا بلاش ده العامل لسه بيقولي يا دكتوره.....واخيرا وقفت قدامها ..ونجحتتتتتتتتتتتتتتتتتتتتتتتتتتتتتتتتتتتتتتتتتتت والحمد لله جبت تقدير كمان .....ياااااااااااااه اخيرا ودعنا ايام المذاكره والامتحانات ...مش هنذاكر تاني ولا هنمتحن...........اكيد انا مش في حلم ...........

كانت ايام الامتحانات دي صعبه جدا..اكتر حد كان بيصعب عليا ...امي وابي واخواتي ...كنت بحس انهم هما اللي بيمتحنوا مش انا...كانوا تقريبا مبيخدوش الاجازه الا لما اخدها انانظرا لاني اخر واحده بخلص فيهم...ربنا يجزيهم ويجعله في ميزانهم يوم الحساب...والحمد لله افرااج وكويس اننا خلصنا ولسه في حلجه باقيه في الجمجمه مبظتش

بصراحه بعد لما شفت النتيجه كلها...مشاعري اختلطت مش عارفه افرح لاني الحمد لله ربنا وفقني ولا ازعل لان في من اصحابي ..اخواتي في اللهلم يوفقوا

هو الحمد لله علي كل حال بس بجد حسيت ان فرحتي مش كامله ..بس ان شاء الله هتكمل لما يمروا بسلام من الامتحان ده...ادعولهم

ويالا عقبال اللي متعلمش لما يتعلم واللي متخرجش لما يتخلرج واللي مدخلش التعليم احسن له يشوف حاجه تانيه ولا اقولكم خليه يتعلم وده احسن جزاء له

النتيجه طلعت

لن تستطيع

انها ابيات من الشعر قرأتها للدكتور يوسف القرضاوي..ولم استطيع ان امنع نفسي من حفظها وترديدها في كثير من الاحيان

لن تستطيع حصار فكري ساعه**** او نزع ايماني ونوريقيني
فالنور في قلبي وقلبي في يد ربي*** وربي ناصري و معيني

ان اجمل ما في الوجود ان الله خلقنا احرار بفكرنا وعقيدتنا..من الممكن ان يسجن الفرد..ان يوضع خلف الآف القضبان..ان يتم حصار جسده..اما ان يتم حصار فكره..تغيير مساره الذي اختاره وهداه اليه الله سبحانه فهذا لا يكون ابدا..

هذا ما لمسته في سير النبيين والرسل يقام عليهم الحصار..يضطهدوا فلا يذيدهم هذا الا ايمان ويقينا بقرب النصر الم نقرأ في القرآن(والذين جاهدوا فينا لنهدينهم سبلناوان الله لمع المحسنين)

وايضا في قصص الصحابه والتابعين..نجد التعذيب لأجل فكره ولأجل معتقد...فلا يذيدهم هذا الا ثبات وايمان

وكان التاريخ يعيد نفسه ..انها سنه الله فالآف من المعتقلين دخلو السجون بسسب فكرهم ودعوتهم...بسبب مبدا آمنوا به وسعوا الي تحقيقه ..فلم يقلل ذلك من اعتقادهم او يقينهم بل خرجوا منها باروع قصص في التآخي واقوي روابط بين القلوب

والانسان اذا عاش بهذه الفكره- فكره استحاله حصار الفكر – فلن يهادن سلطه ظالمه ولن يغير فكره لأجل الطغاه وانما سيكون نهجه المقاومه والدفاع ايا كانت العقبات
فسنه الله في الكون واحده..اضطهاد ومقاومه ...فظهور ونصر وتمكين بأذن الله
.................................................................................................................................


طبعا كلنا عرفنا نتيجه المحاكمه التالته.....لا املك سوي الدعاء لاخواننا ان يذيدهم ايمانا وصبر وثبات....اللهم فك اسر اخواننا المعتقلين

الف الف مبروك حبيبتي مني

يوم الجمعه الماضيه تم زفاف اختي وحبيبتي في الله مني
الف مبروك حبيبتي ..بارك الله لكما وبارك عليكما وجمع بينكما في خير..وجعل حياتك مع الاخ الدكتور يحيي كلها فرح وسعاده
مني دي بقي البسكوته بتاعتنا. كنت اقولها خلاص كبرنا اهه وهنبقي مسؤلين عن اسره وبيت....
.صدقا مش قادره اوصف شعوري ..احساس رائع ان تري من حولك سعيد خصوصا حد عشت معاه..كنت متابع لكل احداثه.
.انك تحس ان فيه بيت مسلم هيتبني وهيضيف لبنه جديده في صرح المجتمع المسلم الذي نحلم به ونسعي لبنائه....احساس لما الارض والسماء يشتركوا معا في هذه الفرحه
حقا احبك في الله ..رزقك الله الزريه الصالحه التي تكون عز للاسلام

ويبقي الامل

وترقرقت حبات المطر

فايقظت زهره جميله

في ليل مظلم بهيم

وتسللت ريح خفيه

فتمايل الغصن الندى

وتسائلت زهرتنا الجميله

اما آن اوان الليل ان يطوي

وتثائبت وتسائلت ءأظل وحيده؟؟

في ظلمه الليل الطويل

من يا تري سيشم عطري

هذا العطر الزكي

من يا تري سيري جمالي

ذاك الجمال الابدى

اني هنا..اوتسمعون نداء صوتي

وترددت اصداء صوتها الشجي

وترقرقت حبات دمع

فاختلط الندي بدمعها الذكي

وفي السماء لمع الضياء فجاه

وتبددت ظلمه ليال حالكات سوادها

وليتها ظلت سوادا

فضياء هذا لم يكن سوي وهما

اما الظلام فكان ظلام حقيقي

وسقط الوميض ودوي انفجار

وتبعثرت اشلاء زهرتنا الجميله

وتناثرت حبات عطر

وتمزق الغصن الندي

لكن هناك..وعلي مسافه ضئيله

تناثرت بزور لزهور صغيره

وانزوت تحت الرمال تحتمي

من دوي هنا ..ودوي هناك

ويمر عام بعد عام

وعلي المروج الخضر تبددت

ظلمه مخيفه قاتله

وانبتت البزور زهور كزهرتنا الجميله

وتحقق الحلم القصي

فحقيقه اليوم ما هي الا

احلام امس داعبت زهرتنا الجميله

ويبقي الامل

بحلم لو عاد الاسلام

كنت قاعده من يومين كده بتفرج علي مهرجان الفن الاسلامي بتاع كليه هندسه منوف ..مش عارفه ساعتها حسيت بحزن علي مهرجان بشري..وسرح بيا تفكيري اكيد الحفله ديه لو اتعملت كانت هتبقي رائعه..بس الحمد لله لان اكيد ربنا له حكمه في كده...بس الي لقيته في الحفله زي ماحنا متعودين فن هادف وراقي ..قعدت اتخيل بلادنا ديه وهي بيحكمها الاسلام ..تخيلو معايا هيكون اد ايه في حب وترابط ..اد ايه هيكون في تقدم لمجتمعنا..هتكون روح الاسلام هي اللي بتحرك المجتمع ده...ان شاء الله..زي بالظبط لما بنشوف الروح ديه في اي حفله من حفلتنا..في اي مسيره بنعملها عشان نعبر فيها عن راينا بطريقه سلميه متحضره..واتمنيت اني اشارك في عوده الاسلام من تاني..اويكون اولادي -ان شاء الله-مشاركين في العوده ديه..ووسط احاسيسي ديه وافكاري وانا واخداني الحماسه- دايما بحس بكده بعد اي عمل يتعمل ويكون تاثيره في الناس قوي-..بصيت علي حالنا احنا المسلمين..ايه اللي قدمناه للعوده ديه..ايه اللي فعلناه عشان الاصلاح..سؤال فضل يكبر ويكبر ..وقعدت ادور له علي اجابه بس ملقيتش اجابه شافيه..

يمكن اهمالي شويه لقلبي وتفقده من آن لاخر خلاني بعيده شويه..وبالتالي يبقي انا واقفه في الطريق مش ماشيه اتجاه هدفي وانا اللي كنت فاكره اني بجري نحيته

..سرعه الاحداث وتتابعها من حولنا يمكن مبتخليش فرصه لينا اننا دايما نقف وقفه صدق نتفقد الماضي من اعمالنا..ونستعد للاتي منها....مع ان الوقفه ديه اهم من العمل نفسه..مش عايزين زحمه الدنيا تشغلنا عن غايتنا اللي عشانها ولولاها لما صبرنا علي العيش اليس الرسول هو من قال-صلي الله عليه " وسلم"الدنيا سجن المؤمن" ولا احنا عجبتنا الدنيا

السنا دوما نردد :اصلح نفسك وادعوا غيرك..يعني الاثنين بنفس النسبه ..ليه بقي ساعات بنقلل نسبه نفسك ديه ...مع انها الدافع لاصلاح الغير

ودلوقتي طيب ايه المطلوب....ببساطه كل واحد وواحده فينا يعمل زي مبيقولوا فلاش باك علي حياته كلها...نظره سريعه احدد انا هدفي كان ايه وايه اللي وصلتله وايه اللي كان المفروض اوصله ولسه ..وسبب تاخري في الوصول ايه؟؟ وايه اللي انا ماشي فيه دلوقتي...بيتهيالهي هنقدر نحدد احنا فين بالظبط واللي لاقه نفسه تمام علي الطريق يبقي الحمد لله ..اما اللي يكتشف انه بعد ....نقله يالا بسرعه لسه في فرصه والركب مبعدش اوي..حدد تاني الهدف والغايه وهتلاقي الطريق وخلي شعارك في كلمتين...حريه وامل..زي مبيقول محمد احمد الراشد..حريه تكسر قيود الشهوات ...وامل بالاجر,وثقه في النصر

(ولنردد في انفسنا دوما..(من صدقت نيته...تم عون الله له

امي

بصراحه وقت الامتحانات كنت بحس اني مش بمتحن لوحدي ..كل اللي في البيت تقريبا كانو بيمتحنوا معايا..واكتر حد بجد حسيت اني تعبته ..امي..كنت لما اسهر اذاكر تسهر معايا..والقيها النوم يغلبها..واقعد اتحايل عليها تنام ومترضاش غير بعد محايله..ربنا يخليها .ا ويكرمها يارب ..انا بقي..تخيلت كده ان في واحد بيكلم امه..يا تري هيقولها ايه..اظن ده اقل حاجه بتعملها اي ام في الدنيا..

ماذا اكتب عن امي..

ماذا اكتب عن لؤلؤه..

عن نبض القلب..

عن حب يسري في دمي..

يا امي..

يا دره عقدي

يا عطر عطر ايامي

في حضنك انسي الدنيا

يا قلبا يحمل همي

يا امي..

هل احكي عنك يا امي

ام عني

عن طفل كنته

كم كسر من اشيائك

لتقابله اروع بسمه

من اعذب فم

منك امي

ام احكي عن مرضي

اياما كنت بجواري تدعي

لا بل تبكي

اسمع نبضات القلب تنادي

يارب اشفي ابني

ام احكي عن يوم نجاحي

يا من كنت تبتهلي

رب وفق فلزه كبدي

لولاك ما كنت انا ..

يا امي

ويوم زواجي

يوم رايت الفرحه لألئ

تنساب علي الوجنات

وتسائل من اجمل عينين

اوتتركني؟؟؟

ابدا يا حبي الاول

يا امي

يا من ضحيت بايامك

ليكون لأيامي معني

وهل انسي؟؟

لا يا امي لن انسي

مادام لقلبي اصوات

هي نبضات لحبك انت

ساظل اسير الوجه الصافي

الفرح الباكي

ويظل مكانك محفور في القلب

ومكاني تحت اقامك

حيث جنانك

يا امي

اول حاجه اكتبها ..اخر يوم في الامتحانات

ياه النهارده اول يوم ليا بعد الامتحانات..قعدت كده مع نفسي ..وشريط سنين الدراسه كله قدام عنيا ..حاجات حلوه فرحتنا..وحاجات تانيه ..قلق شويه ..دراسه ومذاكره...ياااه اخيرا خلصنا دراسه....مش عارفه احساسي ايه بس خليط من الفرح والحزن يملئ نفسي

نفسي اعمل حاجات كتييييييييييييييييييييييييييير اوي

نفسي برده اكتب حاجات كتير اوي ..بس مش عارفه ابدا منين

يا تري اكتب علي مواقف عدت علي وعلمتني حاجات مكنتش اتخيل اني هعرفها من غير مأمر بيها

ولا اكتب حاجه من الشعر الحلمنتيشي اللي انا بالفه؟

ولا ندردش في الاحداث اللي عماله تحصل من حوالينا ..في كل حته ..

ولا..ولا..ولا

حاجات كتير ...ربنا ييسر كده

انتظروني..